Thing delh loh, lung delh loh na na na chu a kum a telin kan thang ve zel aniang! Pawl kua (cl-IX) ka nih meuh chuan chhe lo kha ka hre thei ta zek a. Pawl riat ka nihlaia 'NAUTE' min tih nachhan theihngilh thakin tum tawk te te melhin ka hmanhlel ve ta!
Ka kum hnihna a nih tawh vang nge, lo lut thar ho lah chuan min hre zek a. Lehkha zir theihnghilh thakin, Theih-pa-tawp chhuaha tum tawk leng chhai chu ka thlang lek lek ta mai a! Thingtlang naupang hmelchhe ve tak khan Lalfapa emaw ka inti niang, a chhe lo lo kha ka tan ka hauh ru deuh tlat a. Hnai deuh hleka mipa dang an biak chuan lehkha zir nasat vang pawh ni lovin ka mit a thip deuh tlat nia!
Thuneihna ka nei miah lo chung pawh a, ka intihthu nen. Ka lo duh ruk lakah khan thuneihna han chang ngat ila chu(h)! Val dang kha chu e, he solar system piah lamah ka thawn mai tur. Mahse ka thu ngang lo a ni. Kha nu khan ka duhzia chu hria se a lawm loh pawn min ngei ngawt ang. Kan sikul (building) leh ka neih zawng zawng bakah tlem pekbelh pawn ka la duh nia! Duh tak ka ni. Aizawl leh a chhunga hausakna zawng zawng ai pawn ka duh daih zawk.
Ka kum hnihna a nih tawh vang nge, lo lut thar ho lah chuan min hre zek a. Lehkha zir theihnghilh thakin, Theih-pa-tawp chhuaha tum tawk leng chhai chu ka thlang lek lek ta mai a! Thingtlang naupang hmelchhe ve tak khan Lalfapa emaw ka inti niang, a chhe lo lo kha ka tan ka hauh ru deuh tlat a. Hnai deuh hleka mipa dang an biak chuan lehkha zir nasat vang pawh ni lovin ka mit a thip deuh tlat nia!
Thuneihna ka nei miah lo chung pawh a, ka intihthu nen. Ka lo duh ruk lakah khan thuneihna han chang ngat ila chu(h)! Val dang kha chu e, he solar system piah lamah ka thawn mai tur. Mahse ka thu ngang lo a ni. Kha nu khan ka duhzia chu hria se a lawm loh pawn min ngei ngawt ang. Kan sikul (building) leh ka neih zawng zawng bakah tlem pekbelh pawn ka la duh nia! Duh tak ka ni. Aizawl leh a chhunga hausakna zawng zawng ai pawn ka duh daih zawk.
Class-ah nise melh pah rem thei ang berin lehkhabu ka'n dah ah! Amah lah chuan a la hre der mai silo. Zingah tho ila a nuihmel a lo lang a, chhun thingpui hmehah te pawh khan a thlalak an nemkai aniang, ka lo en leh vung vung thin! Tlai riltam chawchâk nat laia theih-pa-ling-kawha uluka ka lengzem hla sak zawng zawng te kha amah vanga ka sak tih chu hria se, min hlan lo seng lo hial ang.
Chuti taka duh e tilochuan, engmah a bulah zu han sawi ngam eih lova! Inbual paha sawi dan tur ka training zo zai kha thamral tur chuan uiawm tham tak a ni. Hmangaihna hi a KG-a pek theih chu ni se, a tlem berah an chhungkua a an phurh zawh loh khawp chu ka pe hrim hrim.
Mahse chung zawng zawng chuan mual an liam a, hmanlai an chang ta.. Ngaiin au mah ila, kir an rel dawn lo. Ui chungin ka thlah na'ng che 'NUNHLUI'
No comments:
Post a Comment