Thal khaw ro leh nipui khawlum uap churh ten mual min liam san a. Fur khawthiang kara lunglen thu hril tur nei ve ta lo chu; chhawrthlapui eng lawmin HOLLOW GUITER nen thianzahoin kan zai ve tleng tleng a. Rual u deuh te nula rim haw rualin kan t(r)in ve leh mai thin.
Chutia tlangval-a-pum-pa (ti ve tawh mai teh ang) zantin zai chu hlathiamin a daih ta lo mai dawn a. Chubakah chhawrthlapui pawhin min liamsan dawn ruai chu a ni si. Sawrkarin an sem anih ngawt loh chuan, chhai lovin di ka tawng dawn silo. Rilruin tum tawk a zawng a, hmelin a phu tawk mit lamin a melh kan zel si. 'Hraileng chawi lovin val ka fam mai awm e' tih hla sak t(r)um phei chuan, fam tak tak hlauhawm tak a ni. Di nei lo Pawlan a sâi an la ti zui.
Chuti taka val rilru buai leh baihvai chuan, di chhai zai rel mai loh chu duhthlan tur dang neiin ka inhre ta lo. Rual u zawk te zuiin bul chu ka t(r)an ve ta. Mahse lung a dam thei lo, thusawm pek zinga pakhat 'Awt suh' tih bawhchhiatna mai a ni. Furpui thla êng ka zâi thim th(r)ak tawh a, vangpui zanlalnu pawh rual u te hnung ka zui hlanin a tla chu a ni leh ta ruai mai le!
Thlasik a lo int(r)an a, 'Lal piancham' lo thleng tur chuan ka tan thla a rawn dêt a, bethlehem arsi ang maiin ênna min rawn thlen hial. Chumai a ni lo, engtiklai maha ka dawn ngai loh ka tan chanchintha lawmawm em em 'Lo leng rawh aw' ti a, biahzai anka nem ka hnenah a rawn thlen asin. Hei aia sikni êngmawi hi awm tak ang maw.
Sawmtute hnar lova len ngei chu ka tum ta a. Khami ni kha 'Lalmanga nu lawm rawih ni' ai pawhin a rei zawk hialin ka hria! Theih chu nise ni kha zuk nempil mai ka duh rum rum hman a, mahse ka nempil hmain a tla ve ta hram a! Theih tawpin ka inchei uluk ve a, ka phur ngei mai. Darthlalang kha tawngthei chu nise, ka nuih vur vur reng chhan kha min zawt ngei ang.
Lênglen arkhuan veleh a rang a rangin ka kawhchhuak ve nghal a. Ka lenna tur a hla lo bawk a, ka thleng hma ngei mai. Rual u te zarah kawngka bula inngaihtuah that chiam kha ka sim ta hlauh a, a tihzia fu. Kawngka ka kik karh karh a, tuemaw te te chuan 'Lo lut rawh u...' a lo ti nem diai a. Rilruin AMEN tiin ka lo chhang vat a.
Ka hisap tel loh leh ka beisei loh tak maiin, chhungkaw kimin TV an lo en a, thutthlengah an leng tawk chiah! Khawnge ka thut ve ang le??? Let leh aichuan tiin ka lut zel...! Khawilai tlarah hian nge ka inzeh dawn? Ka va buai em! Chhuatah hian ka th(r)u dawn nge, a sirah sawn ka ding ang? A sirah pawh ding dawn ila, khawilai sirah ber sawn nge ni ang? Let leh nge zahthlak ang, a laia din? Rilrubuai vangin ka fam lo chauh a ni ber e. Mahse, a thutna atangin a lo thova min thuttir ta hlauh. HA...LELUIAH.! Ka thawl huai mai.! I zeiin, i va duhawm reuh tak em.!
Wednesday 22 August 2012
RAWLLAI NI
Naupanchhiat a reh a, uite rimin min tlanchhiat san a. Mahni phak tawk te te melhin mit a hlei tan a. Tu khaw hriat lohin duh leh duh loh ka thliar hrang a, ka neih zawng zawng pawh pe dawn ila, min duh dawn lo tih hriat ngawih ngawih te pawh ka rim ve ta tlat mai le!
An hriat loh hlana ka lo duh ve em em ten min han biak that deuh chuan ka hawi sang ve larh a, tu-khaw-hriat-lohin ka lo lawm ve em em thin. An lakah te khan huatthu ka lo pe chhe ve thei khawp mai. Tuemaw an biak hlek chuan ka lo t(r)êk chuai chuai a, a biaklai la la khan va talh mai ka duh thin.
Thianzaho a kan awmkhawm te pawh khan, 'Chu chu kei' nang chuan 'A ni saw' tiin, a thuin kan lo ralkhat thei insem tawp zel a. A huai deuhin an chang tha a, kei thiante zingah pawh a duapkai ka ni bawk a, chang tha lo ve thei tak ka ni. Mahse a sawi rawtui thiam ber na na na chu, an duh loh ber chang mah ila a tawp a tawpah chuan (a thu bawkin) min chhuhsak leh nge nge thin.
Zankhat chu le, ka thianpa nen tlai lama kan thurel bawhzuiin, nula (keini tan chuan nula a ni tlat!) rim turin kan thawk chhuak a. Kan chhungte kan hrilh thlap! An remti ve mai bawk. Tichuan, kan chawlhni kawr tih lovah chuan kan thawmhnaw neih that ber tur ve ve kan inbel a, pheikhawkpum ngat kan bun a. Chumai a nilo, kan chhawngkaw tana zan tam êntu lo ni tawh TORCHLIGHT ngei mai chu kan keng a. Kan phur dun ngei mai.
Zahna leh huphurhna ten kan kawng mil dal lova, kawngka kik kher pawh a t(r)ulna kan hre hek lo. Kawngka bul atang chuan ring mang khengin 'Hruaiteii a awm em?' kan han ti tawl mai a(h). 'Awm e' an lo ti ve mai bawk a! Rin-a-lova uibuk sa an tih ang mai khan, rin loh takin kan hlawhtling ngang mai. A nuin thingpui paw min lo lum! Chu ringawt pawh chu kan tan chuan hlawhtlinna bupui keu hawn tluk anih vei nen, balhla te min la hawntir deuh deuh lehnghal.! Rei pawh leng ta lo chuan t(r)in zai kan rel a, a va lawmawm em! A nu phalna thlapin a lehkhazir laklawh kalsanin min rawn mangtha thlap.
Khang hun te kha pawl delh ruahin vawi engemaw zat delh tawhin, delh thuah îm êm tawh mahsela, furpui vawi tam tak la tuar leh dawn pawh nise. Pawl delh ruahin a delh bo zawh loh chu 'Furpui ruah baw-hawk pawhin a nan zawpin a lenbo dah lo'ng e' ka la ti ve fan a!
An hriat loh hlana ka lo duh ve em em ten min han biak that deuh chuan ka hawi sang ve larh a, tu-khaw-hriat-lohin ka lo lawm ve em em thin. An lakah te khan huatthu ka lo pe chhe ve thei khawp mai. Tuemaw an biak hlek chuan ka lo t(r)êk chuai chuai a, a biaklai la la khan va talh mai ka duh thin.
Thianzaho a kan awmkhawm te pawh khan, 'Chu chu kei' nang chuan 'A ni saw' tiin, a thuin kan lo ralkhat thei insem tawp zel a. A huai deuhin an chang tha a, kei thiante zingah pawh a duapkai ka ni bawk a, chang tha lo ve thei tak ka ni. Mahse a sawi rawtui thiam ber na na na chu, an duh loh ber chang mah ila a tawp a tawpah chuan (a thu bawkin) min chhuhsak leh nge nge thin.
Zankhat chu le, ka thianpa nen tlai lama kan thurel bawhzuiin, nula (keini tan chuan nula a ni tlat!) rim turin kan thawk chhuak a. Kan chhungte kan hrilh thlap! An remti ve mai bawk. Tichuan, kan chawlhni kawr tih lovah chuan kan thawmhnaw neih that ber tur ve ve kan inbel a, pheikhawkpum ngat kan bun a. Chumai a nilo, kan chhawngkaw tana zan tam êntu lo ni tawh TORCHLIGHT ngei mai chu kan keng a. Kan phur dun ngei mai.
Zahna leh huphurhna ten kan kawng mil dal lova, kawngka kik kher pawh a t(r)ulna kan hre hek lo. Kawngka bul atang chuan ring mang khengin 'Hruaiteii a awm em?' kan han ti tawl mai a(h). 'Awm e' an lo ti ve mai bawk a! Rin-a-lova uibuk sa an tih ang mai khan, rin loh takin kan hlawhtling ngang mai. A nuin thingpui paw min lo lum! Chu ringawt pawh chu kan tan chuan hlawhtlinna bupui keu hawn tluk anih vei nen, balhla te min la hawntir deuh deuh lehnghal.! Rei pawh leng ta lo chuan t(r)in zai kan rel a, a va lawmawm em! A nu phalna thlapin a lehkhazir laklawh kalsanin min rawn mangtha thlap.
Khang hun te kha pawl delh ruahin vawi engemaw zat delh tawhin, delh thuah îm êm tawh mahsela, furpui vawi tam tak la tuar leh dawn pawh nise. Pawl delh ruahin a delh bo zawh loh chu 'Furpui ruah baw-hawk pawhin a nan zawpin a lenbo dah lo'ng e' ka la ti ve fan a!
Wednesday 1 August 2012
TUAHTIRH 'D'
Favang thengthaw nuam tak hnuaia Jonal Sport nei tura inbuatsaih zingah chuan a laktlak loh ber pawl ka ni mai awm e. Ka theih zawng hriain kan zirtirtute chuan March-past-ah min teltir ve a! Ka tlin lohna tinreng hmuh kan a, nui miah lova min thlirtu kan zirtirtute kha an va fakawm tak em! Khaw danga kal tur kan nih avangin kan zir ngun tlauh tlauh bawk a, mi ruala kal na na na chu ka thiam ve ta.
A hun a lo thleng a, Sport tan nan leh intihsiakna hmasa ber atan March-past turin kan intlar a. Ka phur lutuk chu ka phurthak lo chauh a, rinphak bakin mi an tam a, ka lungphu pawn hna a thawk tha mawlh mawlh viau. Chutia kan intlar lai chuan alawm, ka rin loh leh ka beisei phak loh ka tawng ta! Ka sir dinglam atang chuan lungte a lo thlawk phei zauh, ka hawi phei, min vawm na ang tih hlau niawm taka inthlahrung hmel mawi leh duhawm mitmeng hmangin min vawmtu chuan min lo melh reng chu niin! Haleluiah ti a au tuarh ka tum zuau zuau hman tih chuan, khuang a rawn ri thut. Ka phu zawk a, ka kal ta awt awt a.
Min haw lo tih hriat fahrana min vei melhtu chu ka rilruah chuan a cham ta tlat mai le! Ka ngaihtuahna latu chu tunge anih ka hrechhuak mai thei lova, ka hmuh tawh hnu erawh a ni tih ka chiang si. Ka thianpa ka zawt tawp, min hrilh a, ka var uai uai a. Ka mur chem chem bawk. Khualkhua atanga kalte kha min sem darh a, keipawh ka thianpa nen kan thleng dun nghe nghe. Kan thlen inah riak lovin, an fapa indang tawh khan min bawl peih em avangin kan nel ta phian a. An ina riak turin min sawm a, lawm takin kan pawm a. An in thlen hmaa in pakhata kan luhnaa tleirawl chhelo deuh ka hmuh kha a lo ni reng a.
Kan lam zo (ti tawh mai teh ang) engmah tihtur nei tawh lo, mahni sikul tan a au chiah hmabak nei ka ni tawh bawk a, ka taksa chu a awl der der viau. Ka thinlung erawh kha tleirawl ngaihtuah khan a hman hlel thung. Ka va melh a, melh lo ang deuh a melh te ka tum a, a tih hleih theih loh. Ka thlir leh vung vung thin. Mahni tawkah tha ka lo intih ve theih teh reng nen, phu lo ta ngawih ngawih hian ka inhria a. Mahse ka tan lo chuan ka phallo ve khanglang a. A nuih apiang chuan min nuih emaw ka lo ti a, ka lo khi ve vur vur zel lehnghal.
A tukah chuan vanneih-a-siamin ka vur lei laiin a rawn lei ve ta chat mai le! Min la be zui! Lawm tak ka ni. Chu mai a la nilo daihlima thutpuiah min la sawm cheu! Khuangpui leh kuangte nena ‘Aw Lalpa I malsawmna hlu’ tih hla kha sak mai ka duh rum rum. ‘Sawmtute hnar ngailo Lalisua’ iangin sawmna duhawm chu ka chhang a, ka va thu dun! ‘Pathian thil rel dan hi a va mak em!’. Duh dawn chu nise, a sumfai ken tur kan neih loh avanga hah-thi-kula ka phurh buh ban man zawng zawng hian vur leisak ka duh, mahse a eizo seng loving tih hlauh vang pawh nilovin chu thil erawh puitlin a ni ta lo.
Ka bula sawi awm tawk te te a hre phian a, kham lo takin chu hun rangkachak chu kan hmang liam a. A tukah pawh chuan am takin kan hmanga, duhthawh takin ka ti ti a, kham lo takin kan hmang zo. A tuka haw mai tur kan nih tawh avangin, zana kan hun neih chhun tlem te chu lungngaihna leh tahna ruamah kan hmang ral a. Thenna ram khawvela cheng kan nih miau avangin mittui nen mangtha tiin uichungin kan inthlah liam a tul ta si.
A hun a lo thleng a, Sport tan nan leh intihsiakna hmasa ber atan March-past turin kan intlar a. Ka phur lutuk chu ka phurthak lo chauh a, rinphak bakin mi an tam a, ka lungphu pawn hna a thawk tha mawlh mawlh viau. Chutia kan intlar lai chuan alawm, ka rin loh leh ka beisei phak loh ka tawng ta! Ka sir dinglam atang chuan lungte a lo thlawk phei zauh, ka hawi phei, min vawm na ang tih hlau niawm taka inthlahrung hmel mawi leh duhawm mitmeng hmangin min vawmtu chuan min lo melh reng chu niin! Haleluiah ti a au tuarh ka tum zuau zuau hman tih chuan, khuang a rawn ri thut. Ka phu zawk a, ka kal ta awt awt a.
Min haw lo tih hriat fahrana min vei melhtu chu ka rilruah chuan a cham ta tlat mai le! Ka ngaihtuahna latu chu tunge anih ka hrechhuak mai thei lova, ka hmuh tawh hnu erawh a ni tih ka chiang si. Ka thianpa ka zawt tawp, min hrilh a, ka var uai uai a. Ka mur chem chem bawk. Khualkhua atanga kalte kha min sem darh a, keipawh ka thianpa nen kan thleng dun nghe nghe. Kan thlen inah riak lovin, an fapa indang tawh khan min bawl peih em avangin kan nel ta phian a. An ina riak turin min sawm a, lawm takin kan pawm a. An in thlen hmaa in pakhata kan luhnaa tleirawl chhelo deuh ka hmuh kha a lo ni reng a.
Kan lam zo (ti tawh mai teh ang) engmah tihtur nei tawh lo, mahni sikul tan a au chiah hmabak nei ka ni tawh bawk a, ka taksa chu a awl der der viau. Ka thinlung erawh kha tleirawl ngaihtuah khan a hman hlel thung. Ka va melh a, melh lo ang deuh a melh te ka tum a, a tih hleih theih loh. Ka thlir leh vung vung thin. Mahni tawkah tha ka lo intih ve theih teh reng nen, phu lo ta ngawih ngawih hian ka inhria a. Mahse ka tan lo chuan ka phallo ve khanglang a. A nuih apiang chuan min nuih emaw ka lo ti a, ka lo khi ve vur vur zel lehnghal.
A tukah chuan vanneih-a-siamin ka vur lei laiin a rawn lei ve ta chat mai le! Min la be zui! Lawm tak ka ni. Chu mai a la nilo daihlima thutpuiah min la sawm cheu! Khuangpui leh kuangte nena ‘Aw Lalpa I malsawmna hlu’ tih hla kha sak mai ka duh rum rum. ‘Sawmtute hnar ngailo Lalisua’ iangin sawmna duhawm chu ka chhang a, ka va thu dun! ‘Pathian thil rel dan hi a va mak em!’. Duh dawn chu nise, a sumfai ken tur kan neih loh avanga hah-thi-kula ka phurh buh ban man zawng zawng hian vur leisak ka duh, mahse a eizo seng loving tih hlauh vang pawh nilovin chu thil erawh puitlin a ni ta lo.
Ka bula sawi awm tawk te te a hre phian a, kham lo takin chu hun rangkachak chu kan hmang liam a. A tukah pawh chuan am takin kan hmanga, duhthawh takin ka ti ti a, kham lo takin kan hmang zo. A tuka haw mai tur kan nih tawh avangin, zana kan hun neih chhun tlem te chu lungngaihna leh tahna ruamah kan hmang ral a. Thenna ram khawvela cheng kan nih miau avangin mittui nen mangtha tiin uichungin kan inthlah liam a tul ta si.
Saturday 14 July 2012
KA KHU LUIH
Israel fate Aigupta sal ata hruaichhuah an nih atanga, tun thleng hian ZIAL ZUK CHAWLH an neih ka hre ngai lova. Mahse kei erawh chu, zial zuk chawlh mamawh ber pawl ka ni si. ‘Mei khu ur a tlo’ ti a, chawfun aia dum bur theihnghilh hlau zawk thlah kal zel ka nih vang pawh a ni mahna, matric ka’n pass dek dek a, ka khu ve ta leih leih mai.
Khawvel a lo changkang zel a, Lungalhthei hmang rel te kan lo hmel hriat a. Chutah tawngkam thiamten lo hmang tangkaiin ‘Mipa lu leh rel lu chu a khu tur a ni’ an lo ti vei thul. Rel tluk zeta tlan chak ni ve ila chuan kan hlawkpui mahna. Tlan chak a hnehin, kan zawi tual tual chu a ni si. Chumi chang chawi chuan ka khu nasa tulh tulh nia!
Mithiamten a that lohzia leh hlauhawm zia min hrilh cham chi chung pawh a, nghei kan tum tak tlat loh vangin puipunnaah zuk min khap sak a. Mahse kan hotute’n vantlang hmunah MEI ZUK PHALNA HMUN min pe leh hlauh! A va lawmawm em! Kan hotute phalna hmun ngeiah ka pak khu leh ta talh talh mai le.
Tichuan, hun a lo kal zel a. Vantlang hmun atang pawh chuan thai bo kan ni leh a, ngamtlak te inah tak ngial pawh ka ti duk a. Mahse a rukin ka la khu vet vet reng thova. Luhlul chhuah vang em em pawh nilovin, ka hawi ka hawi a. ka ipte ka zen a, lighter leh sikret ka phawrh a, ka kianga dawrte pakhatah ‘kuhva in nei em?’ tih pahin ka tan kai a. Ka khu leh ta luih luih a!
Khawvel a lo changkang zel a, Lungalhthei hmang rel te kan lo hmel hriat a. Chutah tawngkam thiamten lo hmang tangkaiin ‘Mipa lu leh rel lu chu a khu tur a ni’ an lo ti vei thul. Rel tluk zeta tlan chak ni ve ila chuan kan hlawkpui mahna. Tlan chak a hnehin, kan zawi tual tual chu a ni si. Chumi chang chawi chuan ka khu nasa tulh tulh nia!
Mithiamten a that lohzia leh hlauhawm zia min hrilh cham chi chung pawh a, nghei kan tum tak tlat loh vangin puipunnaah zuk min khap sak a. Mahse kan hotute’n vantlang hmunah MEI ZUK PHALNA HMUN min pe leh hlauh! A va lawmawm em! Kan hotute phalna hmun ngeiah ka pak khu leh ta talh talh mai le.
Tichuan, hun a lo kal zel a. Vantlang hmun atang pawh chuan thai bo kan ni leh a, ngamtlak te inah tak ngial pawh ka ti duk a. Mahse a rukin ka la khu vet vet reng thova. Luhlul chhuah vang em em pawh nilovin, ka hawi ka hawi a. ka ipte ka zen a, lighter leh sikret ka phawrh a, ka kianga dawrte pakhatah ‘kuhva in nei em?’ tih pahin ka tan kai a. Ka khu leh ta luih luih a!
Wednesday 6 June 2012
APU NAKTEA
He khawvela sial ang ka lo seilen ve lai a, sazu vaivut bara ka tawlh hruah hruah lai te khan Apu Naktea a lo ni dim diam tawh a. Tualchai rual ka nih atang khan Apu Naktea lo chu boss dang ka nei lo. Engkim a thiam a, engkim a hria tih kha ka utawk tur vawn hmiah!
A ni taka, thinglawn nise zawng (monkey) pathum a um hlum tawh emaw tih tur khawpin a thiam a. Van rim nam vung vung khawpa sangah pawh a lawn ngam tlat.! Thei (fruit) lawh te kha a hneh lutuk tlat, a kawrhma seh a, a rawn fun thla tawk zel. A kid te tan chuan bansan mai mai phal chi a ni lo. Ka tan ngat phei chuan a kid no. 1 nih kha tum loh phal chi a nilo; ka kal theih lohnaah min kai a, ka lawn theih lohnaah pawh min dawm cheu! Chumai a ni nem, ka ei phak loh min lawh a, ka ei ngai loh min hawn thin tlat alawm.
Infiamna lamah thiam loh a nei miah lo! Olympic-a goldmedalist aiin ka chhuang daih zawk. Amah vang liau liauvin KAWN VENG NAUPANG kan hneh a, kan ngui ban hial.! A tel lo chuan kan inkhel ve thei meuh lo, a chhan chu ball rim a hre tlat. Keini thingtlangah pawh tlangchhipa awm tih takah kan fil (field) atanga ball liam chu hmuh har tak a ni. Kham pathum vel zawh thlak a ngai deuh ziah! Chuta chinah chuan hlauhna in min nang a, ball liam um nih kan intheihngilh tawh thin. Apu Naktea chuan chung zawng zawng chu a pawisa lova, a kid te pet liam anih phawt chuan a um hnial lova, a hreh hek lo. Tuma hmuh zawh loh, kan vai (apu naktea tello) a kan zawn hmuh zawh loh pawh Apu Naktea chuan, dahsa la ang maiin a zuk thurchhuak leh kauh thei nia.!
Thingtlang naupang tih takah ramhnuaia pipu suih te kan hrat a, chung zawng zawngah chuan a khaipa nih a tlin thin hle. A then thui lai tak pawn chatin Apu Naktea chu tla se, a tap ve ngailo! A er ngelh ngelh a, a lo tawng thei ve leh mai thin. Boss nih kha a va tlin em!
A tawlailir mawlh mai kha a tlanchak, mi feh haw, theih-pa-tawpa rit phur, chau lampang, kal chak thei tawh lo te kha kan lehpel zut zut thin a, kan aupui nasa thei asin. A kid te tihtur min tuk chuan lawm takin kan pawm thin. A chhan chu chhovah 'min nawr r'u' a ti ve ngai lova!! Tawlailir ke a hnawih tur tel (oil) hmuam ru tura min tih pawhin, biang puar ful (full) pawpin kan hmuam thin! Apu Naktea thupek a ni tlat a.!
Ka tan bik phei chuan a va tha in a va fel em! A chawtlang ken te mi eiban a, mei kan chhem pawn hmawlh fawm min awltir a, a tawlailirah a hmaah mi chuantir a, pipu pawh min uai hmasaktir thin. A thei lawh pawh a lian tha tha mi pe a, inkhelhnaah pawh mi pet goal tir hial.!
Chung zawng zawng chu ka tan a hlu lutuk a, a sâng êm a, ka phak lo a ni. A hnena lawmthu sawina chang ka hre lo kha ka va inchhir em! Âwm chum meuhin ka inchhir. Tunah zawng vangkhaw hmun lova lengin, tuanna mual a dang ta. Ka tan erawh i hlui lo, hman atanga tun thlengin ka tan, kei ka tan chuan APU NAKTEA i la ni a, i ni reng bawk ang.
A ni taka, thinglawn nise zawng (monkey) pathum a um hlum tawh emaw tih tur khawpin a thiam a. Van rim nam vung vung khawpa sangah pawh a lawn ngam tlat.! Thei (fruit) lawh te kha a hneh lutuk tlat, a kawrhma seh a, a rawn fun thla tawk zel. A kid te tan chuan bansan mai mai phal chi a ni lo. Ka tan ngat phei chuan a kid no. 1 nih kha tum loh phal chi a nilo; ka kal theih lohnaah min kai a, ka lawn theih lohnaah pawh min dawm cheu! Chumai a ni nem, ka ei phak loh min lawh a, ka ei ngai loh min hawn thin tlat alawm.
Infiamna lamah thiam loh a nei miah lo! Olympic-a goldmedalist aiin ka chhuang daih zawk. Amah vang liau liauvin KAWN VENG NAUPANG kan hneh a, kan ngui ban hial.! A tel lo chuan kan inkhel ve thei meuh lo, a chhan chu ball rim a hre tlat. Keini thingtlangah pawh tlangchhipa awm tih takah kan fil (field) atanga ball liam chu hmuh har tak a ni. Kham pathum vel zawh thlak a ngai deuh ziah! Chuta chinah chuan hlauhna in min nang a, ball liam um nih kan intheihngilh tawh thin. Apu Naktea chuan chung zawng zawng chu a pawisa lova, a kid te pet liam anih phawt chuan a um hnial lova, a hreh hek lo. Tuma hmuh zawh loh, kan vai (apu naktea tello) a kan zawn hmuh zawh loh pawh Apu Naktea chuan, dahsa la ang maiin a zuk thurchhuak leh kauh thei nia.!
Thingtlang naupang tih takah ramhnuaia pipu suih te kan hrat a, chung zawng zawngah chuan a khaipa nih a tlin thin hle. A then thui lai tak pawn chatin Apu Naktea chu tla se, a tap ve ngailo! A er ngelh ngelh a, a lo tawng thei ve leh mai thin. Boss nih kha a va tlin em!
A tawlailir mawlh mai kha a tlanchak, mi feh haw, theih-pa-tawpa rit phur, chau lampang, kal chak thei tawh lo te kha kan lehpel zut zut thin a, kan aupui nasa thei asin. A kid te tihtur min tuk chuan lawm takin kan pawm thin. A chhan chu chhovah 'min nawr r'u' a ti ve ngai lova!! Tawlailir ke a hnawih tur tel (oil) hmuam ru tura min tih pawhin, biang puar ful (full) pawpin kan hmuam thin! Apu Naktea thupek a ni tlat a.!
Ka tan bik phei chuan a va tha in a va fel em! A chawtlang ken te mi eiban a, mei kan chhem pawn hmawlh fawm min awltir a, a tawlailirah a hmaah mi chuantir a, pipu pawh min uai hmasaktir thin. A thei lawh pawh a lian tha tha mi pe a, inkhelhnaah pawh mi pet goal tir hial.!
Chung zawng zawng chu ka tan a hlu lutuk a, a sâng êm a, ka phak lo a ni. A hnena lawmthu sawina chang ka hre lo kha ka va inchhir em! Âwm chum meuhin ka inchhir. Tunah zawng vangkhaw hmun lova lengin, tuanna mual a dang ta. Ka tan erawh i hlui lo, hman atanga tun thlengin ka tan, kei ka tan chuan APU NAKTEA i la ni a, i ni reng bawk ang.
Tuesday 5 June 2012
Tho La, Ding Ta Che
Kum 1988 pawltlak thla khan he khawvel êng ka hmu ve tan a, ka nu leh pa te an lawm tehreng nen keichuan tapin ka chhang let anih kha! Engvanga tap nge ka nih ka hre lova, tahchhan ka neih pawh ka hre lo. Ka lo leikang deuh hnu thleng pawh khan, chhan leh vang awm lovin ka nuiin ka tap thin.
Tunah chuan puitling ka ni ve tawh a, chhan awmin ka nui a, chhan awmin ka tap ta! He khawvel êng ka hmuh tirh a ka nuih leh tah nen chuan khaikhin chi pawh a ni tawh lo. Hringnun hi a lova mak em!
Hring dam hun ti a an sawi (kum 70-80) zahve pawh ka vui liam hma hian, ka la thlakhlelh em em tam tak ka mangtha a, ka duh leh ngaih em em tam tak ka vui liam asin. Hlimna zawngin ka hun tam ber chu ka hmang ral a, ka zawn ve reng reng loh lungngaihnain mi tlak buak fo a. Ka duh miah loh tam tak ka nei a, ka duh tam tak ka chân bawk.
Tunah chuan puitling ka ni ve tawh a, chhan awmin ka nui a, chhan awmin ka tap ta! He khawvel êng ka hmuh tirh a ka nuih leh tah nen chuan khaikhin chi pawh a ni tawh lo. Hringnun hi a lova mak em!
Hring dam hun ti a an sawi (kum 70-80) zahve pawh ka vui liam hma hian, ka la thlakhlelh em em tam tak ka mangtha a, ka duh leh ngaih em em tam tak ka vui liam asin. Hlimna zawngin ka hun tam ber chu ka hmang ral a, ka zawn ve reng reng loh lungngaihnain mi tlak buak fo a. Ka duh miah loh tam tak ka nei a, ka duh tam tak ka chân bawk.
Tapin Ka Rawn Zawng Zel Ang Che, Nui Hiauvin
Hmanni a status a ka hman kha a ni a, ka rilruah a awm reng thu kha ka lo sawi tel nghe nghe kha. Khatihlai khan engvanga ka rilrua awm tlat nge anih ka hre lova, hriat ka tum lem lo bawk. Mahse thawhtan zan alo thleng a, KTP inkhawm zan a lo ni a, ka han inkhawm ve chiah chu le! chhanna ka dawng chiang hle mai. (Up hlen chi niin ka hre silo, sawina tur hmun tha nei ila chuan, ka rawn upload kher lo mai thei ni)
Heti zawng hian lo thlir tur tih ka hrechhuak ta zawk a,' Lalpa mite chu he leiah hian tapin rum mahsela, chatuan nunna chang tawh an nih avangin he khawvel lungngaihna te chuan a hneh zo lova, an chhungrilah an nui thin a lo ni a'. He khawvelah an taksa awm mahse, an thlarau chuan van nun a neih tlat tawh avangin chhungrilah an lo nui thin a ni zawk.
Kei a kara mi bawlhhlawh leh tlaktlai lo, 'nang rethei, mitdel saruak' tih awm tawk lek tan hian, he thu hi a ril lutuk a, hriatfiah phak rual a nilo tih ka hria. Kohhran leh khawtlangah pawh member fang nih duh tawk ve em em tan chuan, ka lo nuihpui vur vur hi ka indem lem lo! Kumkhatah vawi khat tak ngial pawh kawmiti (committee) kohna ka hmingin ka dawng ngai tlat lo alawm. Chuti chung pawh chuan, ka chaw ei a tui thova, mite aiin ka nui ri a zawi bik miah lo. Ka thlarau chu sawi loh, ka taksa tak ngial pawh hi 'LAL' neilo lenin a leng a. Kristian inti ve siin Krista chanchin zu han ngaihtuah ngai miah lova... Pathianni Sunday Sikul bak hi ka inkhawm ve na tur a ni lo emaw ka ti hman hial tawh a. Ka va bo em!
Heti zawng hian lo thlir tur tih ka hrechhuak ta zawk a,' Lalpa mite chu he leiah hian tapin rum mahsela, chatuan nunna chang tawh an nih avangin he khawvel lungngaihna te chuan a hneh zo lova, an chhungrilah an nui thin a lo ni a'. He khawvelah an taksa awm mahse, an thlarau chuan van nun a neih tlat tawh avangin chhungrilah an lo nui thin a ni zawk.
Kei a kara mi bawlhhlawh leh tlaktlai lo, 'nang rethei, mitdel saruak' tih awm tawk lek tan hian, he thu hi a ril lutuk a, hriatfiah phak rual a nilo tih ka hria. Kohhran leh khawtlangah pawh member fang nih duh tawk ve em em tan chuan, ka lo nuihpui vur vur hi ka indem lem lo! Kumkhatah vawi khat tak ngial pawh kawmiti (committee) kohna ka hmingin ka dawng ngai tlat lo alawm. Chuti chung pawh chuan, ka chaw ei a tui thova, mite aiin ka nui ri a zawi bik miah lo. Ka thlarau chu sawi loh, ka taksa tak ngial pawh hi 'LAL' neilo lenin a leng a. Kristian inti ve siin Krista chanchin zu han ngaihtuah ngai miah lova... Pathianni Sunday Sikul bak hi ka inkhawm ve na tur a ni lo emaw ka ti hman hial tawh a. Ka va bo em!
Ka Tlangval Lai Chuan (Zan Lungngaihthlak)
Thingtlang tlangval mawl ve tak, rual awhna nei hran lo, mi tana hnawk sak lem lo ka ni a, Sunde sikula Pathian thu kan zir bak hriat belh tlem tak ka ni. Chan tawka lungawi lohna pawh nei lem lo ka ni. Khawvel sum leh pai dinhmun tlachhiain min tibuai lova, pawisa thleng hlutna tlahniam phei chuan ka nunah thu a sawilo lehzual! Khuanu ruatah lungawi loh chu sawi loh mahni mum a mum ve tawp mai ka ni a, thingtlang loneia eizawng kan nih avangin, hlo thlawh hunlai chuan khawchhungah ka awm ngai meuh lo.
A hminga tlangval ve nafam chuan, ngaihvarung thrawn te pawh kan neilo a ni bik lova. Mahse computer age a cheng lanu leng te chu keia tan chuan lianchung leng an chang zel si. Chutiang dinhmuna ka din laia, an naupanlai ka hriat chian ve em em ten a mal mum tha tha an thlang zet zet te pawh thikna chang zu han hre miah lo a!
Kan khua hian ram kan neih zau tha em em a, ka ramriahna atang pawh chuan kan khua aichuan khaw thenawm a hnai zawk hial a. Chawlhni te hian haw lovin kan cham tlang mai thin reng a. A chang chuan khaw thenawmah chawlhni te ka zu hmang ve zeuh thin bawk.
Ka Vanin Kawng - III (Nunhlui)
Thing delh loh, lung delh loh na na na chu a kum a telin kan thang ve zel aniang! Pawl kua (cl-IX) ka nih meuh chuan chhe lo kha ka hre thei ta zek a. Pawl riat ka nihlaia 'NAUTE' min tih nachhan theihngilh thakin tum tawk te te melhin ka hmanhlel ve ta!
Ka kum hnihna a nih tawh vang nge, lo lut thar ho lah chuan min hre zek a. Lehkha zir theihnghilh thakin, Theih-pa-tawp chhuaha tum tawk leng chhai chu ka thlang lek lek ta mai a! Thingtlang naupang hmelchhe ve tak khan Lalfapa emaw ka inti niang, a chhe lo lo kha ka tan ka hauh ru deuh tlat a. Hnai deuh hleka mipa dang an biak chuan lehkha zir nasat vang pawh ni lovin ka mit a thip deuh tlat nia!
Thuneihna ka nei miah lo chung pawh a, ka intihthu nen. Ka lo duh ruk lakah khan thuneihna han chang ngat ila chu(h)! Val dang kha chu e, he solar system piah lamah ka thawn mai tur. Mahse ka thu ngang lo a ni. Kha nu khan ka duhzia chu hria se a lawm loh pawn min ngei ngawt ang. Kan sikul (building) leh ka neih zawng zawng bakah tlem pekbelh pawn ka la duh nia! Duh tak ka ni. Aizawl leh a chhunga hausakna zawng zawng ai pawn ka duh daih zawk.
Ka kum hnihna a nih tawh vang nge, lo lut thar ho lah chuan min hre zek a. Lehkha zir theihnghilh thakin, Theih-pa-tawp chhuaha tum tawk leng chhai chu ka thlang lek lek ta mai a! Thingtlang naupang hmelchhe ve tak khan Lalfapa emaw ka inti niang, a chhe lo lo kha ka tan ka hauh ru deuh tlat a. Hnai deuh hleka mipa dang an biak chuan lehkha zir nasat vang pawh ni lovin ka mit a thip deuh tlat nia!
Thuneihna ka nei miah lo chung pawh a, ka intihthu nen. Ka lo duh ruk lakah khan thuneihna han chang ngat ila chu(h)! Val dang kha chu e, he solar system piah lamah ka thawn mai tur. Mahse ka thu ngang lo a ni. Kha nu khan ka duhzia chu hria se a lawm loh pawn min ngei ngawt ang. Kan sikul (building) leh ka neih zawng zawng bakah tlem pekbelh pawn ka la duh nia! Duh tak ka ni. Aizawl leh a chhunga hausakna zawng zawng ai pawn ka duh daih zawk.
Ka Vanin Kawng - II (No Entry)
Class VIII zawm tur chuan engkim tifel turin Principal te inah chuan kan lut a, ka pa nen chuan a indawr a. Ka rei, Inchhung hi a va fai em! Bangah lah chuan ka hmuh ngai loh hmuhnawm a va tam em! Ka mit chu a tlai ngei mai, mahse rin loh lamah ka pa chuan ‘Mama hetah hian i awm nghal ang a, kei chuan ka hawsan dawn che nia’ min rawn ti a. Ka hnual rawih a mahse cheng sawm (Rs 10/-) min pe a, nasa taka tihlawmin ka awm leh ta zawk a.
Ka pa haw atanga rei vak lovah chuan tlangval lian tha zet mai, ngo vuah mai hian min rawn be ta! Rawn lut thar kha i ni em? min ti a, chhan tur nge chhan loh tur tih ka ngaihtuah laiin midangin min lo chhan khalh daih lehnghal. Hlauh tur nge tih (trih) tur tih ka ngaihtuah laiin, min bazar pui dawn tih min hrilh a. ‘Kal ang le’ a rawn tih chuan ka phu zawk a, din ka’n tum a, ka lo ding reng tawh a. Kan inzui chhuak ta chu le(h)! inzui a zawngah hian kan inzui ber awm e, a hniak ka chhinchhiah zel a, a rahnaah chat chat ka rap ta chaih chaih mai nih chu.
Khawiah nge mi hruai zel dawn ka hre lo na a, ka zui zel a. Dawr pakhatah min luh pui a, ka mamawh a lo awm kim vek! Chutiang dawr chu khawvelah hian a awm tih ka hre miah lo! Dawr lo nghaktu chuan ‘Mama’ a tih apiang chuan, ‘eih’ ka lo ti ve hman ziah lehnghal, min hruaitu zawk kha a ko tih ka hrechhuak veleh mai zel bawk a! Masi dawna kawr tial thar pakhat nei ve chauh thin tan chuan, School uniform mahnise a thar vek han neih chu nuam tak a ni. (Tuna ka ngaihtuah let hian, kan thil leina dawr hi MA-I ENTERPRISE (Angaiha nu dawr) niin, min hruaitu pawh hi U MAMA (fam) S/o Madam-i ni ta in ka hria)
Ka pa haw atanga rei vak lovah chuan tlangval lian tha zet mai, ngo vuah mai hian min rawn be ta! Rawn lut thar kha i ni em? min ti a, chhan tur nge chhan loh tur tih ka ngaihtuah laiin midangin min lo chhan khalh daih lehnghal. Hlauh tur nge tih (trih) tur tih ka ngaihtuah laiin, min bazar pui dawn tih min hrilh a. ‘Kal ang le’ a rawn tih chuan ka phu zawk a, din ka’n tum a, ka lo ding reng tawh a. Kan inzui chhuak ta chu le(h)! inzui a zawngah hian kan inzui ber awm e, a hniak ka chhinchhiah zel a, a rahnaah chat chat ka rap ta chaih chaih mai nih chu.
Khawiah nge mi hruai zel dawn ka hre lo na a, ka zui zel a. Dawr pakhatah min luh pui a, ka mamawh a lo awm kim vek! Chutiang dawr chu khawvelah hian a awm tih ka hre miah lo! Dawr lo nghaktu chuan ‘Mama’ a tih apiang chuan, ‘eih’ ka lo ti ve hman ziah lehnghal, min hruaitu zawk kha a ko tih ka hrechhuak veleh mai zel bawk a! Masi dawna kawr tial thar pakhat nei ve chauh thin tan chuan, School uniform mahnise a thar vek han neih chu nuam tak a ni. (Tuna ka ngaihtuah let hian, kan thil leina dawr hi MA-I ENTERPRISE (Angaiha nu dawr) niin, min hruaitu pawh hi U MAMA (fam) S/o Madam-i ni ta in ka hria)
Ka Vanin Kawng - I
Tukkhat chu ka pa hian "Mama, tho rawh. Kal tawh ang" tiin mi rawn kaitho a. Thiamna sang zawk zirtur leh ka laka an beiseina tihlawhtling turin, khawpui lam panin kan pafa chuan kan chhuak a.
Zirna in tha ni a kan hriat apiangah chuan hnawl ka ni ta zel mai le! Ka pa hrilhhai zia pawh hrethiam lo chuan, ka la phur ve em em zel a. Ka pa beidawng chuan veng kilkhawr lama kan chhungte inah min luhpui ta rawih a. Khawpui kan chuankai chhan a sawi lai chuan, a beiseina te a thamral zia chu thup rual lohin a lo lang a. Mahse ka tana tha tur zawk a ni tih reng a ring phak lo.
Kan dinhmun hrechiangtute thurawn pawmin, an mi kawhhmuh Aizawl North High School chu kan pan ta a. Min hrethiam takin min dawr a, an kianga thlamuang taka awm turin ka pa ngei pawh chuan, lungdam takin kan khua chu min pan san ta..
Zirna in tha ni a kan hriat apiangah chuan hnawl ka ni ta zel mai le! Ka pa hrilhhai zia pawh hrethiam lo chuan, ka la phur ve em em zel a. Ka pa beidawng chuan veng kilkhawr lama kan chhungte inah min luhpui ta rawih a. Khawpui kan chuankai chhan a sawi lai chuan, a beiseina te a thamral zia chu thup rual lohin a lo lang a. Mahse ka tana tha tur zawk a ni tih reng a ring phak lo.
Kan dinhmun hrechiangtute thurawn pawmin, an mi kawhhmuh Aizawl North High School chu kan pan ta a. Min hrethiam takin min dawr a, an kianga thlamuang taka awm turin ka pa ngei pawh chuan, lungdam takin kan khua chu min pan san ta..
Subscribe to:
Posts (Atom)